غادة عادل تبكي في أول مواجهة إعلامية مع طليقها مجدي الهواري

حلّت الفنانة غادة عادل وطليقها مجدي الهواري ضيفين في إحدى البرامج التلفزيونية ، في أول لقاء يجمعهما معًا على شاشة التلفزيون منذ انفصالهما رسميًا.تحدث الاثنان عن فترة زواجهما وتعاونهما الفني، ورأي كل منهما في الأفلام التي قدماها معا.وأكدت غادة عادل خلال اللقاء إيمان زوجها بها قائلة: «أنت يا مجدي عملت حاجة واحدة أنك كنت مؤمن بيّا، بس كان عندك مشكلة إنك تحدد الأعمال حسب ارتياحك النفسي بسبب حبك وغيرتك عليا، خلتني مش عارفة أطلع اللي جوايا". موضحة أنها غير راضية عن بعض الأفلام التي قدمتها مع زوجها السابق، المخرج والمنتج مجدي الهواري.

ورفض الهواري مقولة إنه وضعها في إطار يشبهه خلال تلك الفترة، ووصفه بأنه كان الإطار الصحيح في ذلك الوقت.وسألت غادة عادل مجدي الهواري عن رأيه في الأفلام التي تقدمها حاليا فأجاب: "الأفلام اللي بتعمليها في الفترة الأخيرة في منها إنك بتهزمي نفسك وتاريخ عملناه سوا. إحنا استثمرنا كتير في اسم غادة عادل."

وقارنت غادة عادل بين أفلامها مع مجدي الهواري والأفلام الحالية قائلة: "أنا كنت طول عمري بعمل معاك أفلام كوميدية شبه دلوقتي. بس بقيت أحط معاها نوعية أفلام مكنتش بتحبني أعملها." وأضافت: "عندي أفلام زمان وإحنا مع بعض والله العظيم لما بتيجي في التليفزيون ببقى عايزة أطفيه، على أمل محدش يشوف."وتابعت: " مقدرش أقول أي فيلم عشان فيها زملاء. بس لحد النهاردة كل ما أعمل فيلم كويس يقولوا أول مرة نشوف غادة تمثل، عشان التاريخ القديم محطوط، 6 أو 7 أفلام كده."

وأردفت أنها كانت تشعر بالحماية الزائدة من زوجها السابق، لكنها تقدر خوفه وحبه لعائلته مضيفه : "إنت كنت فعلا بتعاملني كإني مريم بنتك، وأنا عشت كده عند أهلي، عايزة أعيش ست عندي شخصيتي وحياتي وصحابي."وأشار مجدي الهواري إلى أنهما تزوجا في سن صغيرة قائلا: "إحنا إتجوزنا صغيرين جدا في عمر ولادنا دلوقتي. وأنا دلوقتي أنصح ابني من خبرتي ميتجوزش صغير." مضيفا: "مش معنى كده إن جوازنا منجحش. دي قصة حب وزواج ناجحة جدا، بدليل إننا قعدنا 20 سنة وأنتجنا من العلاقة دي أطفال."

أوضحت الفنانة غادة عادل أنها تستخدم أسلوب إعطاء الحرية لأولادها بسبب الطريقة التي نشأت بها في بيت أهلها، وأيضا طبيعة العلاقة بينهما خلال فترة زواجهما. وقالت غادة عادل لمجدي الهواري: "إنت شايفني بعمل إيه مع الولاد؟ إديتهم حرية مطلقة. بحس إن الكبت والحماية الزايدة مش بتساعد البني آدم يعرف يتصرف في حياته. مش عايزاهم يعيشوا زيي، أبويا كان قافل عليا ومجدي كان قافل عليا."

وسألت غادة عادل مجدي الهواري "شايف شخصيتي الأول أحسن ولا دلوقتي أحسن؟" وعقبت على رده قائلة: "ليه معرفتش الحياة وأنا معاك؟ كان ممكن تجربني في الحياة، إزاي هتعامل وأواجه الناس وأتعامل في شغلي."وطلب منها مجدي الهواري في ختام اللقاء المشاركة في فيلم جديد له يكتبه محمد ناير، الذي تعاونا معه في فيلم "الوتر"

قد يهمك أيضــــــــــــــــًا :

غادة عادل تشعر بالخوف من الأدوار الجريئة وقلقة من "المحكمة"

غادة عادل تكشف سبب موافقتها على دورها في فيلم "المحكمة"

رابط الخبر
ادارة الموقع لا تتبنى وجهة نظر الكاتب او الخبر المنشور بل يقع على عاتق الناشر الاصلي

الموقع :www.arabstoday.net